Corporate Beirut

أنا ب meeting: أنا والوالد عالبلكون عم ندخن سيجارة و نحكي عن شقفة الأرض يللي بدنا نبيعها لأن اوضاعنا زفت

معزوم عالغداء … عند التيتا, والهابي فاميلي كلها, بيحسبو الله ما خلقني إذا ما بروح

 sorry  معي خط تاني: هيدي الوالدة عم تذكرني جيب دوا الغسيل أنا و راجع

عنا training هيدا السبت كل النهار …  ما ايلي جلادة شي, ميأس حزين, مش قادر اتواجد بين الناس والمطارح

لأ, مطول بالمكتب اليوم: منفض و البنزنات أنجق يوصلني عالبيت

sorry I have to take this, انو أنا يابا عندي شي مهم و ضروري, حتى بعد أهم من هيدا ال meeting, شوف لحدية وين (كمان الوالدة عم تذكرني جيب دواء الغسيل)

I’m in the middle of something, عم بطج غداء أو قهوة أنا وحدا, بس ما بدي ياك تعرف مين لأنو إذا عرفت رح تزعل كيف ما قلنالك و كذا, ف in the middle of smtg … أو حتى إذا كنت مع حدا ما الك عين تقول مين … بتزبط عالميلتين

فيني إحكيك بعد 5 دقايق, im in the middle of smtg, هيدي بعد أخطر… ما عرفت رقمك, فتكرتك حدا مهم, طلعت إنت “سختك ما أسقلك” بس انو بلباقة, موش وقتك هلق … ولا بعدين حتى … منيح؟

 عندي business lunch, والله شو, بشرفك, حتى التخنزر صار بدكن تعملو corporate, بدي عزبك, واحده جبنة corporate مشروحة, مع رشة حر … و أنا باخد لحم بعجين بلا حر, رشة corporate وحامض, و لبن chateau تعنايل 2012 please

Posted in clichés | Tagged , , , | Leave a comment

أما في حال الطقس ووضع الطرقات

نعم دوللي، ما زالت العاصفة تؤثر على مرور السيارات، المجهزة منها والغير المجهزة، كما وافانا مندوبنا في مركز الأرصاد الجوية أن السيد شكري أنيس فاخوري إتصل بالمركز مشدداً على ضرورة الحيطة والحذر بمأن هذه العاصفة تهب مرتين

أما في ما يخص وضع الطرقات

طريق الشام، سالكة للسيارات المختصة فقط
طريق القدس، مقطوعة، سيارات القوى الأمنية تمنع المواطنين من المرور عند مداخيل جونيه
طريق الجديدة، حالة مرور خجولة
طريق المطار، مقطوعة بالدواليب المشتعلة
طريق العودة، لم يعد أحد ليخبر
طريق الخلاص، مغطغطة، مسكرة منتاك أختها
طريق الصحيح، ازيلت عن الخارطة
طريق ابوجوده، مينو؟

Posted in Mousalsal | Tagged , , , , , , , , | Leave a comment

إنهيار…عصبي

إنهارت في الأمس أعصاب اللبنانيين  في محلة “ساحة الوطن” و هرعت على الفور حشود المواطنين الحشورين مسلحين بكم هائل من الأسئلة “شو في, شو صار, حدا صرلو شي, في قتلى, في جرحى”… و من ثم وصلت فرق الإنقاذ وباشرت بعملية سحب الجثث من تحت الأنقاض و علم الموقع أن أسماء الضحايا أتت على الشكل التالي

الأمل
الغد المرجو
المستقبل
السلامة العامة
العيش الكريم
الإنسانية

كما أن حالة المعيشة في وضع سيئ جداً و هي الآن تحت العناية الفائقة في مستشفى الإنشاء لله خير

Posted in Mousalsal | Tagged , , , , , , , | 5 Comments

إرشادات لتخفيف الوزن في 2012 بعد بغلنة سهرة رأس ألسنة

بعد بغلنة الأمس وبعد “معليشي نحن راس ألسنة وأصلاً بكرا رح بلش رجيم” اليكم الحل أو حمية لاتباعها لهذا العام الجديد:

- تخفيف أكل الخرا على مدة لا تقل عن ستة أشهر قابلة للتمديد

- الركض يومياً وراء لقمة العيش عوضاً عن الجلوس على كنبايات البطاطا ومتابعة التصريحات السياسية

- عدم إعطاء السيارة للفاليه باركينغ وركن السيارة ولو أبعد شوي الذهاب مشياً على الأقدام (وترك البرستيج في تبلو السيارة)

- ممارسة رياضة ركوب موجة التغيير والبدء بإحترام القانون (حتى لو ما في قصاص وبعبع)

- حرق الدهون عوضاً عن الإطارات الملوثة خلال المظاهرات وقطع الطرقات

- ممارسة رياضة رمي النفايات في سلة المهملات

- الإنحناء لإلتقاط براز الكلب بكيس نيلون عند انتهائه من “الكبيرة” لأن ذلك مفيد لعضلات الظهر

Posted in Mousalsal | Tagged , , , , , , , | 1 Comment

بيروت مدينة منزوعة…السلاح

أعلن الجناح المسلح لحركة بادي وطواط  عن إلتزامه بالمقررات التي تجعل من بيروت مدينة منزوعة السلاح فوجه نداء إلى كل العناصر المسلحة الغير منضبطة التي تنتمي إلى الحركة بالتوجه إلى أقرب مركز عسكري وطواطي لتسليم عتادهم العسكري وإستبداله بحسب الجدول التالي

مسدس حربي يبدل بفرد كبسون

رشاش حربي يبدل برشاش ماء

قنابل يدوية تبدل  ببالونات ماء

ر ب ج  يبدل  بنقيفة زنزلخت

هاون/انيرجا تبدل بقوس ونشاب

كما تتمنى حركة بادي وطواط على جميع العناصر بالتحلي بالصبر وعدم الإنجرار إلى أي أفعال عدائية وعدم رش الماء في الهواء إبتهاجاً

 

Posted in clichés | Tagged , , , , | Leave a comment

Mariam Nour Phone Home


‎أعلنت شركة “خطوط طيران مريم نور” عن بدء الرحلات الجوية إلى جميع المجرات والكواكب في الكون وتتضمن الرحلات برامج ترفيهية وزيارات إلى معالم سياحية فضائية ولقائات مع المخلوقات الفضائية ذات الوجوه المربعة، المثلثة، المستطيلة والشموطي
‎  قص شريط الإفتتاح العاملان لدى ف ب أي اللذان يهتمان بالملفات “اكس” التي تعنى بالمخلوقات الفضائية، فوكس مولدر و دانا سكولي، كما حضر الحفل عددٌ من رؤساء البعثات الدبلوماسية الفضائية وألقى “دارث فيدر” خطاباً نوه فيه بالجهود التي تقوم بها مريم نور في تثبيت وحدة المسار والمصير مع الأشقاء الفضائيين وترسيخ العلاقات بين الكواكب التي تنتمي إلى محور “الصحوة” – وايك أب

Posted in Mousalsal | Tagged , , , , , , , , | 1 Comment

مين قال اه يا مدام

أقيم حفل عشاء  بالأمس على شرف الفنانة اللبنانية نانسي أفيوني بحيث حازت على  لقب سفيرة “التنواية الحسنة” وذلك بعد اطلاقها أغنيتها الجديدة “ماي مياو” التي تتطرق فيها إلى مشاكل الجيل الجديد والصعوبات التي يواجهها ذوو الاختصاصات والأدمغة في الحصول على عمل يليق بهم. وقد صرّحت نانسي، بصفتها رئيسة جمعية الرفق بالقطط والهررة، عند استلامها الجائزة :
 يلي بدو “ماي مياو” يحط ايدو هون

Posted in Mousalsal | Tagged , , , | 2 Comments