Dear Minister Ziad Baroud, I don’t want to die

رسالة مفتوحة الى معالي وزير الداخليّة والبلديّات زياد بارود

اولا اسمح لي ان اتوجه اليك بالعامية بما انني اعتبر نفسي اكتب هذه الرسالة الى اخي الكبير الذي التجئ اليه عند اشتداد المصاعب

معالي الوزير انا مواطن لبناني منذ اكثر من عشر سنوات و صرلي اكثر من عشرين سنة بعاني على الطرقات بلبنان

معالي الوزير, ما بدي موت

انا شبّ بأوّل طلعتي, بحلم كتير, وخاصة بلبنان ماشي عالنظام, عندي طموح وبحلم انو يجي نهار صير متل معاليك انسان ناجح, محبوب وانشغالي الاول والاخيرتحسين الوضع بلبنان. معالي الوزير انا اليوم خيفان ما يجي بكرا شخص مش ناضج, ما بيعرف قيمة الحياة وبلحظة يسرق مني هيدا الحلم ويلبّس امّي اسود

انا مدرك انو معاليك عم تعمل مجهود كتير كبير لتوضع حدّ ل هالفلتان والعربدة عالطريق. لكن يا معالي الوزير في كتير عالم ما عم تعمل شغلا, لا بل عم بتكون المثل الغير الصالح. قبل ما عاتب المواطن انا بديّ عاتب السلطة. كيف بدّو الانسان العادي يخضع للقانون اذا كان حامي القانون اوّل المخالفين معتبر نفسو فوق القانون، بشكل انو يحق للشرطة ما لا يحقّ للمواطنين! متلو متلي بدّو يوقف عالاشارة الحمرة واذا كان هو عكس السير ما لازم إنلام اذا طالبت بحقي! كيف المواطن بدّو يحسّ برهبة الشرطة اذا ما عم تفرض احترامها

وين سيارات الشرطة ودفتر الضبوطات وقتا يكون في سيارة طايرة عالطريق, وين رجال الامن لما يكون في “موتو” عا دولاب واحد مسرع بين السيارت, وين الشرطة وقتا يكون السائق مش ماشي بين الزيحين, وقتا ما بيستعمل الاشارة, وقتا يكزدر ويشمّ الهوا على شمال الطريق, وقتا السايق يعتبر انو رجوليتو بالدّق وما يوقف عالاشارة الحمرا, وقتا يسكر مفرق الشمال او اليمين وهو رايح دغري, وقتا يفتح خطّ تاني لانوّ هو اهم من كلّ يليّ واقفين بالعجقة, وقتا يكون كميون طاير و عا ميلة الشمال, وقتا حدا يدوبل عن اليمين؟ وين الجيبات والسيارات الجداد وقتا يكون في هالمخالفات؟ بس شاطرين يطووشونا بزمور الخطر وقتا يكون السير مسكر كأنو السيارات لازم تطير لتفتحلن طريق؟ّ

معالي الوزير, ليش اللبناني وقتا يكون بالخليج او بأوروبا متل التوتو بيمشي عالنظام ووقتا يكون بلبنان بيتصرّف كأنّو عم ينتقم من بلدو. انا بحطا بثلاث خانات

الجهل

التقصير

الخسّة

رح بلّش بالخسّة. متل ما بتعرف معاليك, بلبنان في عالم عاديّة، و في عالم نصف بشر و نصف آلهة. اغنيتهم المفضلة “لا تخاف من البوليس, نحنا ولاد…”. بيعملو السّبعا ودمّتها عالطريق ونحنا البشر لازم ندفع الثمن. معالي الوزير انا مش مدعوم، وبالعربي المشبرح ما عندي لا ظهر ولا واسطة, مين بدو يحميلي حقي ويحافظ على المساواة بيني وبين البشر الآلهة. وبتبقا الخسّة كبراني منيح براسن انو بيسيرو يتعدّو عالعالم لأنهم مدعومين ودايماً بتطلع براسنا

اما بالنسبة للتقصير, ما رح علّمك عا مسؤولياتك كلنا منعرف انك قد المسؤولية

الجهل, الجهل يعني عدم المعرفة وعدم الترباية. الانسان يلي بيبقا ماشي عا مهلو بنص الخط السريع هيدا انسان بيجهل القانون ومافي غير الضبط بي ربّي, والحمار, تعلّم من التكرار

يا معالي الوزير صار لازم نعمل “سَلَطِة خسّ” ونرد قيمة حياة الانسان وكرامة العالم لمحلّها

لأ. انا مدعوم. عندي وزير داخليّة بيحميني. وزير بيحترمني. بتمنى عليك ترجع تحسس العالم بالأمان عالطرقات, أعصابنا ما بقا تحمل فلتان وعهر

معالي الوزير المواطن أمانة بين ايديك وكلنا ثقة فيك, والعتب عا قدّ المحبّة

تقبل مني فائق الاحترام

Advertisements

About bodywotwat

I'm a Lebanese slang hunter, I hunt at night and I take no prisoners! Wotwat style!
This entry was posted in Mousalsal and tagged , , , , , , . Bookmark the permalink.

3 Responses to Dear Minister Ziad Baroud, I don’t want to die

  1. jackie nahas says:

    thanks for this texte!!! so so so trueee!!! my friend passed away beacuase of a drunk driver and someone el KHASSEH KTIR KBIREH BI RASOO is protecting him!! 🙂

  2. Pingback: How to survive a Blackberry Ban | Body Wotwat

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s