… بي اللي عطاك الدفتر @#$%

(screenshot from yasa.org)

وبي اللي علّمك السواقة، وبي اللي بيشدّ عا مشدّك، منيح؟؟

يا أيها الحمار يللي عم بتسوق عالطريق، يا أيها البلا ذوق يلّي عم تكفّروا العالم، إنتو وزمالاؤكم الحياوانات عالطريق، بدّي قّلكن كلمتين: يا ضيعان الأوكسيجين فيكن. أصلاً الحق مش عليك، الحق عا “يللي عطاك الدفتر”، فا هيدا المش إنسان، بحب إتوجّهلو بالحديث التالي

يا أيها “يللي عطاك الدفتر”، بعرفك إنسان مشغول وعندك إهتمامات كتيره، والله يبعت الشّغل يا رب. ما رح اطلب منك كتير. بس اليوم، قبل ما تنام، وقتا تحط راسك عالمخدّة، خود دقيقتين وفكّر إنّو مثلاً، إنت اليوم لمين عطيت دفتر سواقة. كم واحد منهم بيستحقه. إنت أصلاً لمين عاطي هالدّفتر من قبل. كم واحد منهم مبكّي عيون أمهات كتار، حرق قلب بيّات، كم حلم شتّته عالأوتستراد، وإجا الصّليب الأحمر لمّو شقف… شقف!! يا إستاذي الكريم بتعرف كم واحد تكرسح من ورا راسك ومن ورا قلّة الضمير عندك؟؟بتعرف كم عرس أسود نعمل وكم تابوت انرَقص فيهم بالساحات؟؟

أنا بتّهمك بالسرقة. إيه نعم، بتّهمك بسرقة ما يلي

أرواح العالم
أحلام أهل يشوفوا ولادن عم يتخرّجوا أو عرسان
بيّات وأمهات من ولادهم
مستقبل شباب

عم بيقولوا انو وقّفتوا ديليفري وصار إنّو يابا بطّل دفتر السواقة بينشرى معلّب وكذا. حتّى لو هالشّي صحيح، في دم، دم كتير عا إيديكم، وبحياتو ما رح يروح ورح يضل علامة عار وكابوس لاحئقكم وين ما تروحوا. غمّض عينيك، شوف صورة هالأم عم تبكي لابسة أسود، الله يخليلك أهلك! تخايل هالولد الصغير عم يسأل بيّو، وين الماما؟! شو بدو يقلّو أبوه؟! سبقتنا عالسّما لأنو حيوان شاري دفتر السواقة  طحبشلها السيارة؟؟ إنتو مجرمين عا قد ما يللي قتّل العالم مجرم. بتقتلو القتيل و حتى ما بتمشوا بجنازته

نتمنى لكم ليلة هانئة، وأحلاماً سعيدة

Advertisements

About bodywotwat

I'm a Lebanese slang hunter, I hunt at night and I take no prisoners! Wotwat style!
This entry was posted in Mousalsal and tagged , , , , . Bookmark the permalink.

2 Responses to … بي اللي عطاك الدفتر @#$%

  1. Pingback: Lebanese blogosphere weekly link roundup (2010/10/10) | +961

  2. Pingback: Park it like a douchebag | +961

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s